Berces en flor

Qué detalles. Julia de 1º nos fexo un dibuxu de les berces de la güerta. Yá tienen les florines amarielles abiertes. Qué preciosidá, y cuantu detalle. Gracies Julia

Vinagre

Nes clases tuvimos unes botellines con sidra dulce que sobrara del amagüestu. Nesti tiempu fízosenos en vinagre y lo que nos tocó agora ye colalo. Güel a gloria.

Llechugues

Entamamos a quitar llechugues. Los amigos de lo ayeno quitaron primero que nós, pero… ye lo qu’hai. Llechugues pal comedor!!
Tenéis más semeyes equí.

Bichinos…

Llega’l calorín y tenemos la güerta enllena bichinos. Y eso ye bono.

Tenemos meruques aireando la tierra y tresformando’l cuchu pa que les plantes crezcan guapes.

Tamién tenemos otros que si hubiere munchos sedría más problemático. Hai cascoxos y llimiagos, que tienen afición poles fueyes de llechuga.

Y nes fabes de mayu yá hai pulgones y formigues. Los pulgones y les formigues llévense mui bien. Les formigues curien de los pulgones, los cambien de sitiu… y los pulgones-yos dan a cambiu carambelinos pa comer. Y ye que les formigues son mui llambiones 😉